21–25 қыркүйек аралығында Alpamys School мектебінде CIS — Council of International Schools командасының сапары өтуде.
Бұл — халықаралық сарапшылардың қарапайым сапары ғана емес, мектебімізді әр қырынан таныстыруға мүмкіндік беретін маңызды кездесу. Білім беру ортасы, мектеп мәдениеті және ең бастысы — күн сайын осы ортаны қалыптастырып жүрген адамдар арқылы Alpamys School-дың бүгінгі келбетін көрсетуге жол ашатын ерекше мүмкіндік.
ХАЛЫҚАРАЛЫҚ ДИАЛОГ
Сапар барысында CIS сарапшылары Alpamys School мектебімен, оның білім беру ортасымен, оқыту тәсілдерімен және мектеп қауымдастығының күнделікті өмірімен танысуда.
Біз үшін бұл — өз тәжірибемізбен бөлісу, білім беру саласындағы ұстанымдарымызды таныстыру және халықаралық сарапшылардан кәсіби кері байланыс алу.
Мұндай ашық диалог қалыптасқан үдерістерге жаңа қырынан қарауға, даму бағыттарын анықтауға және мектепті заманауи білім беру талаптарына сай одан әрі жетілдіруге мүмкіндік береді.
МЕКТЕП ОҚУШЫЛАР КӨЗҚАРАСЫНДА
Сапардың ерекше бөлігі — Alpamys School мектебімен оқушылардың көзімен танысу.
Мектептің өзін-өзі басқару ұйымының өкілдері CIS командасына мектеп бойынша экскурсия жүргізіп, білім беру және қоғамдық кеңістіктерді таныстырды. Олар өз әсерлерімен бөлісіп, оқушы ретінде өздері үшін маңызды құндылықтар мен бағыттар туралы әңгімеледі.
Оқушылар — өз мектебінің шынайы елшілері. Олар мектептің атмосферасы, құндылықтары, мүмкіндіктері және күнделікті өмірдегі ерекше сәттері туралы айтып, сырт көзге бірден байқала бермейтін қырларын таныстырады.
БОЛАШАҚҚА КӨЗҚАРАС
CIS командасының сапары — Alpamys School мектебінің бүгінгі келбетін таныстырумен қатар, оның болашағы туралы ойлануға мүмкіндік беретін маңызды қадам.
Кері байланысқа ашық болу, тәжірибе алмасуға дайындық және үнемі дамуға ұмтылу — мектебіміздің білім беру мәдениетінің маңызды бөлігі.
Біз Council of International Schools командасын Alpamys School мектебінде қарсы алғанымызға қуаныштымыз және халықаралық сарапшыларға ашық диалог, мектебіміздің білім беру ортасына деген қызығушылық және кәсіби тәжірибе алмасу мүмкіндігі үшін алғысымызды білдіреміз.
Welcome to Alpamys School!
