Біздің мақсатымыз – сапалы оқытуды қамтамасыз ету, балалардың жалпы физикалық және эмоционалдық ахуалын ескере отырып, табысты оқу және жеке өсу үшін қолайлы жағдайлар жасау.

Alpamys School оқу бағдарламасы Қазақстан Республикасының бастауыш, негізгі орта және жалпы орта білім берудің мемлекеттік жалпыға міндетті стандарттарына негізделген.
Бағдарламалардың мазмұны бастауыш сынып оқушыларының функционалдық сауаттылығын дамытуға, негізгі және пәндік құзыреттіліктерді қалыптастыруға бағытталған.

Бастауыш білім берудің мазмұны үштілді білім беру саясаты аясында іске асырылады.

1-4 сыныптарда оқылатын оқу пәндері

«Тіл және әдебиет» білім беру саласындағы оқу пәндері:

• «Әліппе» (1- сынып, 1-жартыжылдықта)
• «Ана тілі» (1- сынып, 2-жартыжылдықта)
• «Букварь» (1-сынып 1-жартыжылдықта)
• «Обучение грамоте» (1-сынып, 2-жартыжылдықта)
• «Қазақ тілі» (2-4 сыныптар)
• «Қазақ тілі»
• «Әдебиеттік оқу»
• «Литературное чтение» (2-4 сынып)
• «Русский язык» (2-4 сынып)
• Шетел тілі (ағылшын тілі)» 1-4 сынып)

«Математика және информатика» білім беру саласындағы оқу пәндері:

• «Математика», «Цифрлық сауаттылық» (1-4 сыныптар);

«Жаратылыстану» білім беру саласындағы оқу пәндері:

• «Жаратылыстану » (1-4 сыныптар);

«Адам және қоғам» білім беру саласындағы оқу пәндері:

• «Дүниетану» (1-4 сыныптар)

«Технология және өнер» білім беру саласындағы оқу пәндері:

•  «Бейнелеу өнері», «Еңбекке баулу» (1-сынып);
• «Көркем еңбек» (3-4 классы), «Музыка» (1-4 сыныптар);

«Дене шынықтыру» білім беру саласындағы оқу пәні:

• «Дене шынықтыру»;
• «Жүзу»;

ОҚУ ПРОЦЕСІН ҰЙЫМДАСТЫРУДЫҢ ТӘСІЛДЕРІ

Alpamys school мектебінде бастауыш білім берудің мазмұны оқыту нәтижелеріне бағдарланады және оқушы тұлғасының үйлесімді қалыптасуы мен дамуына қолайлы білім беру кеңістігін құруға бағытталған Академиялық саясатында айқындалады.

1. Оқу процесінде саралап, деңгейлеп оқыту тәсілін қолдану.
2. Ойын әдістері:
   1. Оқу материалына назар аудару және қызығушылық тудыру үшін түрлі ойындар мен оқыту қосымшаларын пайдалану.
   2. Сыни ойлауды, проблемаларды шешуді және ынтымақтастықты дамытуға бағытталған ойындар.
3. Интерактивті технологиялар:
   1. Оқушылардың оқу материалымен жұмысын жақсарту үшін интерактивті тақталарды, компьютерлік бағдарламаларды және онлайн ресурстарды пайдалану.
   2. Виртуалды оқыту және білім алмасу үшін веб-конференциялар мен онлайн платформаларды пайдалану.
4. Проблемаға бағытталған оқыту:
   1. Сыни ойлауға және шығармашылыққа ынталандыратын, нақты өзекті мәселе немесе белгілі сценарий төңірегінде құрылған сабақтарды ұйымдастыру.
5. 5. Ынтымақтастық және топтық жұмыс:
   1. Топтық жұмыс, топтық жобалар мен тапсырмалар.
   2. Оқу мақсаттарын бірлесіп шешу және оқу материалын талқылау арқылы коммуникативтік дағдыларды дамыту.

Бұл тәсілдер теңдестірілген білім беру ортасын қалыптастырады, оқушылардың жан-жақты дамуына ықпал етеді және оларды табысты оқуға дайындайды.

АҒЫЛШЫН ТІЛІН ҮЙРЕНУ

Alpamys School 1-сыныптан бастап балалар ағылшын тілін үйренеді.

Ағылшын тілін үйрену кезінде Академиялық саясат принциптерінде көрсетілген тиімді тәсілдер жүзеге асырылады:

Интеграцияланған тәсіл:оқу бағдарламалары тілді кешенді меңгеруді қамтамасыз ете отырып, сөйлеу және жазу дағдыларын дамыту арасындағы тепе-теңдікті ескере отырып әзірленеді.

Мотивация және практикалық қолдану: оқытуда интерактивті әдістер мен ойын тәсілдерін қолдануға баса назар аударылады. Бұл ынталандырушы оқу ортасын құруға ықпал етеді, сабаққа белсенді қатысуды және оқушылардың ағылшын тілін үйренуге деген ынтасын жақсартады.

Даралау тәсілі: мұғалімдер әр оқушының жеке ерекшеліктерін ескере отырып, оқу процесінде саралап-деңгейлеп оқыту тәсілін қолданады.

«Сингапур әдістемесін» қолдану: Alpamys School мұғалімдері сингапурлық оқыту принциптерін ағылшын тілін меңгертуде сәтті қолданып жүр. Бұл жұмыс тек грамматикалық және лексикалық аспектілерді ғана емес, сонымен қатар қарым-қатынас дағдыларын дамытуға мүмкіндік береді.

ОҚУ ЖОСПАРЫНДА АҒЫЛШЫН ТІЛІН ОҚЫТУ ҚҰРЫЛЫМЫ:

1-сыныптарда: Phonics (ағылшын тілі) — аптасына 4 сағат, Sсienсe (Ғылым) — 1 сағат, Speaking 1 сағат және Math аптасына 1 рет ауызекі сөйлеуді дамыту сағаты;
2-сыныптарда: Cambridge English – аптасына 3 сағат, Sсienсe — 1 сағат, Speaking 1 сағат, Math 1 сағат;
3-сыныптарда: Cambridge English – аптасына 3 сағат, Sсienсe/ Math — 1 сағат, Speaking аптасына 1 сағат;
4-сыныптарда: Cambridge English – аптасына 2 сағат, Sсienсe/ Math — 1 сағат, Speaking аптасына 2 сағат.

АҒЫЛШЫН ТІЛІН ОҚЫТУ БАРЫСЫНДА:

• Тілдік орта құру мақсатында тақырыптық күндер өткізу.
• Тіл дамыту ойындары мен конкурстарды ұйымдастыру.
• Ағылшын тілінде өлеңдер жаттау, әндерді үйрену.
• Ағылшын тілінде сахналық қойылымдар мен мюзиклдерді дайындау және қою.
• Ағылшын тілінде еркін сөйлейтін адамдармен кездесулер мен виртуалды пікірлесу ұйымдастыру.
• Ағылшын тілді елдермен танысу, шетелдік мамандарды қонаққа шақыру.
• Ағылшын тіліндегі фильмдер тамашалау, оларды талқылау.
• Тілді оқытубарысында бейнесабақтар мен интерактивті онлайн ресурстарды кеңінен пайдалану.

Аталған іс-шаралар оқушылардың ағылшын тілін әртүрлі контексттерде қолданып, тереңірек және тиімді игеруіне айтарлықтай ықпал ететін атмосфераны құруға көмектеседі.

ҚЫТАЙ ТІЛІ ЕКІНШІ ШЕТЕЛ ТІЛІ РЕТІНДЕ

Alpamys School мектебінде 2-4 сынып оқушыларына екінші шет тілі ретінде қытай тілін үйренуге мүмкіндік беріледі.

Сабақтар аптасына 1 сағат өткізіледі.

Қытай тілін оқыту бағдарламасы оқушылардың көрнекі есте сақтау қабілетін, ерікті зейінін және шығармашылық қабілетін дамытуға ықпал ететін иероглифтік жазуды үйренуден басталады.

ОҚЫТУ ШЕҢБЕРІНДЕ:

• Ауызекі сөйлеуді жетілдіру және тілдік орта құру үшін тоқсанында бір рет Қытай тілінде сөйлейтін адамдармен кездесулер өткізіледі;
• Күнтізбеге сәйкес дәстүрлі қытай мерекелерін тойлау шаралары арқылы оқушылар Қытай елінің мәдени ерекшеліктерін тереңірек түсіне алады.
• Жарты жылдықта бір рет Елтану жобалары жүзеге асырылады, бұл Қытай тарихын, мәдениеті мен әдет-ғұрпын тереңірек түсінуге және зерттеуге ықпал етеді.
• «Үздік Тіл білгірі» байқауы сәуір-мамыр айларында өткізіледі, байқау оқушыларды оқуға белсенді қатысуға ынталандырады және олардың тілдік жетістіктерінің нәтижелерін көрсетеді.
• Қытай тілінде өлеңдер, әндер мен билерді үйрену, өнер арқылы қытай мәдениетін тереңірек қабылдауға және тілді игеруге ықпал ететін білім беру процесінің маңызды бөлігі болып табылады.

Осылайша, мектептегі екінші шет тілі ретінде қытай тілін үйрену бағдарламасы оқушылардың тілдік дағдыларын дамытып, Қытай мәдениетімен танысуға, тұлғаның жан-жақты дамуына ықпал етеді.

ҚОСЫМША ПӘНДІК КУРСТАР. МЕКТЕП КОМПОНЕНТІ:

Мектептің Академиялық саясатында бастауыш сыныптарда міндетті оқу пәндерін оқытумен қатар элективті курстар, сыныптан тыс сабақтарды өткізу, білім алушылардың ғылыми жобаларға қатысуы көзделген.

Тіл дамыту (1-сынып), Развитие речи (1-сынып), Әдебиеттік оқу (1-сынып), Логика (1-сынып), Жылдам оқу (1-4 сынып), Математика Петерсон бойынша (1-4 сынып).

Бастауыш сынып мұғалімдері күнделікті білім беру процесінде дамытушы сипаттағы міндеттерді жүзеге асырады. Оқушылар оқу, жазу дағдыларын, қарапайым математикалық білімді меңгереді, шығармашылықпен ойлауды үйренеді, өзін-өзі бақылаудың алғашқы сабақтарын, мінез-құлық мәдениеті, гигиена мен салауатты өмір салтының негізгі принциптері туралы білім алады.

Оқу процесін ұйымдастыру оқушыларды ізденуге, өзекті мәселелерді талқылауда, көзқарасын дәлелдеуде белсенділікке, сындарлы шешімдер қабылдауға ұмтылу жолымен өздігінен тәжірибе жинақтауға негізделген оқытудың интерактивті әдістерін пайдалануды көздейді.

ҚОЛДАУ ЖӘНЕ ҚОСЫМША БІЛІМ БЕРУ МҮМКІНДІКТЕРІ:

Alpamys School балаларды жан-жақты дамыту үшін үйірмелер, секциялар және мектептен тыс іс-шараларға, әртүрлі қосымша білім беру бағдарламаларына қатысуға белсенді түрде шақырады.

Спорт секциялары:

волейбол, баскетбол, футбол, каратэ, гимнастика.

Зияткерлік үйірмелер:

Робототехника (1-4 сыныптар), Шахмат (1-4 сыныптар).

Шығармашылық үйірмелер:

Хореография (1-4 сыныптар), Вокал, Кескіндеме, Фортепиано, Саз балшық шеберханасы, Домбыра үйрену мектебі, Ағаш өңдеу, 3D модельдеу.

Бұл бағдарламалар оқушыларға өз әлеуетін ашуға қолдау көрсететін және шабыттандыратын білім беру ортасында жан-жақты дамуға мүмкіндік береді.

ОҚУ ЖҮКТЕМЕСІНІҢ ЕҢ ЖОҒАРЫ КӨЛЕМІ

1- сынып – 19,5 сағат

2-сынып – 24 сағат

3-4 сынып – 27 сағат.

НАШ ДЕНЬ: ШАГ ЗА ШАГОМ

БІЛІМ АЛУШЫЛАРДЫҢ ОҚУ ЖЕТІСТІКТЕРІН АҒЫМДАҒЫ БАҒАЛАУ

Формативті бағалау

Формативті бағалау (ФБ) білім алушылардың ағымдағы білімді меңгеру және дағдыларының қалыптасу деңгейін анықтайды, білім алушыларға жаңа материалды зерделеу кезеңінде тапсырмаларды қаншалықты дұрыс орындайтынын және оқу мақсаттарына қол жеткізетінін түсінуге мүмкіндік береді. ФБ жазбаша немесе ауызша жүзеге асырылады.
Үлгерімді ағымдағы бақылау белгілі бір кезеңдегі оқушылардың үлгерімі туралы баллдар мен бағалар қою арқылы ақпарат алуға мүмкіндік береді. ФБ кезінде білім алушылардың оқу жетістіктері балл қою арқылы бағаланады. ФБ үшін ең жоғары балл 2-11-сыныптарда 1-ден 10 балға дейін.
Жиынтық бағалау

Жиынтық бағалау (ЖБ) – оқу бағдарламасының бөлімдерін зерделеу
аяқталғаннан кейін және оқу тоқсанының соңында білім алушылардың білімді меңгеру деңгейін және дағдыларының қалыптасуын айқындайтын бағалау.

1-сыныпта оқушылардың оқудағы жетістіктері бағаланбайды.

2-11 сынып оқушыларына формативті бағалау, бөлімге/өтпелі тақырыпқа жиынтық бағалау (бұдан әрі – БЖТ) және тоқсанға жиынтық бағалау (бұдан әрі – БЖТ) нәтижелері бойынша балл қойылады, олар тоқсанға оқу жетістіктерін бағалау кезінде ескеріледі.

ЖБ үшін ең жоғары балл 1-4-сыныптарда 7-ден кем емес және 15 балдан көп емес.

БЖБ түрі (бақылау, практикалық немесе шығармашылық жұмыс, жоба, эссе, диктант, мазмұндама, шығарма, тестілеу) мен сабақта өткізілетін уақытын педагог өзі анықтайды.

Тілдік пәндер бойынша жиынтық бағалау (ЖБ)

• Айтылым
• Тыңдалым
• Оқылым
• Жазылым

сияқты тілдік дағдылар бойынша жүргізіледі.
Толығырақ білу

KUNDELIK.KZ

Kundelik.kz — бұл мектеп ақпараты жинақталған автоматтандырылған бірыңғай білім беру интернет-порталы.

Порталдан:

• Сабақ кестесі;
• Үй тапсырмасы;
• Оқушылардың рейтингі және үлгерімі;
• Алдағы мектеп іс-шараларының күндері табуға болады.

Логин мен құпия сөз қолына тиген соң, оқушы, ата-ана мен ұстаз сайттың жоғарғы жағындағы «Кіру» тетігін басып, жұмысын бастай алады. Ұстаздың міндеті – баға қою, үй тапсырмасын жазу. Ата-ананың міндеті – баласының бағаларын қарап, сабақ кестесімен, үй тапсырмасымен танысу. Ал оқушының міндеті – сайттан үй тапсырмасын қарап, оны орындау. Оқушы тек өзінің бағаларын және үй тапсырмасы мен сабақ кестесін ғана көре алады.

ҚАШЫҚТАН ОҚЫТУДЫ ҰЙЫМДАСТЫРУ

Alpamys School Академиялық саясатында әртүрлі жағдайларда білім беру процесінің үздіксіздігін қамтамасыз етуге арналған қашықтықтан оқытуды ұйымдастырудың негізгі аспектілері қарастырылған:

Қашықтықтан оқыту қолайсыз ауа-райы, табиғи апаттар, соғыс қимылдары, пандемия сияқты төтенше жағдайларға байланысты мектепте сабақ өткізу мүмкін болмайтын кезде қолданылады.

Alpamys School «Қолайсыз ауа райы метеожағдайларында орта білім беру ұйымдарында, сондай-ақ техникалық және кәсіптік білім беру бағдарламаларын іске асыратын білім беру ұйымдарында сабақтарды тоқтату қағидаларын бекіту туралы» Қазақстан Республикасы Білім және ғылым министрінің 2016 жылғы 18 қаңтардағы № 42 бұйрығы негізінде және онлайн оқытуды ұйымдастыру бойынша әдістемелік ұсынымдарға сәйкес әрекет етеді.

Білім алушылардың ата-аналары (заңды өкілдері):

1. сабақтар тоқтатылған күндері баланың мектепке бару немесе бармау туралы шешімді дербес қабылдайды;
2. Сабақтар тоқтатылған күндері білім беру ұйымына баласының баруы туралы шешім қабылдаған жағдайда, мектепке барар және кері қайтар жолында баланың қауіпсіздігін қамтамасыз етеді.

1-4 сыныптарға арналған онлайн сабақтардың ұзақтығы санитарлық ережелер мен нормалардың талаптарына сәйкес келеді:

• мектепалды және 1 сыныптарда-15 минуттан аспайды;
• 2-3 сыныптарда-20 минуттан аспайды;
• 4-5 сыныптарда-25 минуттан аспайды;

Қашықтан оқыту тиімділігін арттыру үшін Microsoft Teams онлайн платформасы қолданылады.

Бұл платформа оқушылар мен мұғалімдердің өзара әрекеттесуіне, онлайн сабақтар өткізуге, материалдар мен тапсырмалармен алмасуға мүмкіндік береді.

Қашықтықтан оқыту сабақ кестесінің икемділігін және оқушылар үшін материалдардың қолжетімділігін ескере отырып ұйымдастырылады.

Қашықтықтан оқыту барысында онлайн ресурстар мен технологияларды пайдалануда оқушылар мен ата-аналарға кеңестер беріледі.

Техникалық проблемалар немесе сұрақтар туындаған жағдайда оқушылар мен оқытушыларға техникалық көмек көрсетіледі.

https://t.me/+gKEeCg9-hHQzODE6

Толығырақ білу