Alpamys School-де орта білім туралы аттестаттарды тапсыруға арналған салтанатты рәсім өтті. Мектептің үшінші түлектер легіндегі 29 оқушы өздерінің мектеп өміріндегі маңызды кезеңін аяқтап, мүмкіндіктерге, мақсаттарға және үлкен жетістіктерге толы жаңа белесті бастады.
«Alpamys Stars» атты салтанатты жиын бүкіл мектеп қауымдастығы үшін маңызды оқиғаға айналып, оқушыларды, ұстаздарды, ата-аналарды және құрметті қонақтарды біріктірді. Бұл күні түлектерді ғылым, өнер, спорт және білім саласының өкілдері — кәсіби жетістіктері мен өз ісіне деген адалдығымен жастарға үлгі болатын танымал тұлғалар құттықтады.
Құрметті қонақтар қатарында:
Каргин Джумат Бейсембекұлы — физика-математика ғылымдарының кандидаты, Л.Н. Гумилев атындағы ЕҰУ доценті, жетекші ғылыми қызметкер.
Асылханов Ермек Сабырұлы — суретші, Қазақстан дизайнерлер одағының президенті, өнер профессоры, педагогика ғылымдарының докторы, Ұлттық дизайн академиясының академигі.
Байсенгиров Жанатбек Бахтиярұлы — «Жекпе-жек» ұлттық спорт федерациясының атқарушы директоры, 2025 жылғы Азия кубогының жүлдегері.
Иманғалиев Есенғазы Нұртөлеуұлы — «Codo» психологиялық компаниясының аймақтық директоры.
Биыл түлектердің жетістіктері бес дәстүрлі номинация бойынша атап өтілді:
Olympiad Star — академиялық жетістіктер мен олимпиада жеңістері
Sport Star — спорттық жетістіктер
Art Star — шығармашылық табыстар
Social Star — қоғамдық және волонтерлік белсенділік
Genius Star — көшбасшылық, жан-жақты жетістіктер және ерекше нәтижелер.
Бұл номинациялар мектептің философиясын — ғылым, өнер, спорт және қоғамдық өмір арқылы тұлғаны дамыту идеясын бейнелейді.
Салтанатты рәсім оқу жылының жарқын қорытындысына айналды. Өздерін түрлі салада танытқан оқушылар сахнаға бірінен соң бірі көтеріліп, қошеметке бөленді.
Биылғы мектеп бітірушілер қатарында жоғары нәтижелерге қол жеткізген түлектерді мектеп ерекше атап өтті:
Калигазина Рамина — ерекше үлгідегі аттестат, ағылшын тілінен жоғары деңгей (C1), республикалық олимпиадалар жеңімпазы, Coventry University грантының иегері (15 000 $).
Бахытжан Әмірхан — үздік аттестат, ғылыми байқаулар жеңімпазы, робототехника және математика бойынша халықаралық және республикалық жарыстардың жүлдегері.
Бақытбек Аружан — үздік аттестат, мектеп президенті, оқушылардың өзін-өзі басқару ұйымының көшбасшысы, «Astana Hub» алаңында IT-стартап негізін қалаушы.
Жәкенова Альмира — ерекше үлгідегі аттестат, мектеп парламентінің мүшесі, ағылшын тілі бойынша қалалық олимпиада жүлдегері.
Рүстемқызы Әдія — ерекше үлгідегі аттестат, TEDx-конференциялар қатысушысы, қалалық ғылыми жобалар жүлдегері.
Орта мектепті бітіргені туралы құжатты табыс еткен құрметті қонақтар түлектерді өмірлеріндегі маңызды кезеңімен құттықтап, олардың жетістіктерін мойындау белгісі ретінде естелік статуэтка табыс етті.
Мерекелік салтанат жылы лебіздерге, шынайы эмоцияларға, музыкалық ән-шашуға және ұстаздар мен ата-аналарға айтылған алғысқа толы болды.
Alpamys School өз түлектерімен мақтанады. Олардың осынау жетістігі — еңбек, табандылық, білімге ұмтылыс және өз күшіне сенудің нәтижесі.
Алда жастарды арманға толы, жауапкершілігі мол болашақ күтіп тұр.
Жолдарыңыз ашық, болашақтарыңыз жарқын болсын, түлектер!
