Alpamys School мектебінің алтын дауысы, 5F сынып оқушысы — Алан Жаманқұлов өзінің ерекше дарыны мен жоғары шеберлігін көрсете отырып, беделді халықаралық «Бала Шабыты» байқауында супер Гран-При иегері атанды!
Бұл Аланның алғашқы марапаты емес: ол «Педагогикалық Ника» халықаралық сыйлығының Гран-при иегері. Биыл талапты бала Андрей Малаховтың «Шын жүректен шыққан әндер» бағдарламасына қатысып, еліміздің мерейін үстем етті.
Алпамыс мектебі өзінің күміс көмей оқушысын мақтан тұтады және Аланның жаңа биіктерге көтеріліп, жетістіктерге жететініне кәміл сенеді.
