Alpamys School мектебінде орнаған жаңа жылдық көтеріңкі көңіл-күй әр күнді жарқын әрі есте қаларлық оқиғаларға толтырды. Мектепте дәстүрлі жаңа жылдық марафон басталып, ол оқушыларды, мұғалімдерді және ата-аналарды біріктірді.
19 желтоқсанда 7–11 сынып оқушылары үшін алғашқы жаңа жылдық дискотека ұйымдастырылды. Іс-шара қызықты өтті: балалар интерактивті ойындарға қатысты, сыныптар креативті құттықтау номерлерін көрсетті, мектеп өнерпаздарының өнері мен бай би бағдарламасы қатысушыларды бір серпілтіп тастады. Кеш соңында «Один дома» фильмін бірге тамашалау шынайы отбасылық жаңа жылдық көңіл-күй сыйлады.
22 желтоқсаннан бастап бастауыш сыныптарда шаттыққа және сиқырға толы жаңа жылдық ертеңгіліктер өтуде. Биыл олар П. И. Чайковскийдің «Аққулар көлі» балетінің желісі бойынша ойын-ертегі форматында ойластырылған. Жарқын кейіпкерлер, театрлық элементтер мен сахналық көріністер балаларға ұмытылмас эмоциялар, шынайы ертегілік сиқыр сыйлады.
Мектептегі жаңа жылдық іс-шаралар аясында оқушылардың шығармашылық қабілеттерін көрсететін, қысқы мерекелерге өздерінің көзқарасын білдіретін «Қысқы кереметтер» сурет байқауы өтіп жатыр.
Ертеңгіліктердің соңында әрбір оқушы жаңа жылдық тәтті сыйлықпен марапатталды. Сонымен қатар, барлық оқушылардың ата-аналары мектеп директорының жеке құттықтау хаттарын алды. Директор ата-аналарға көрсетілген сенім мен тұрақты қолдауға шынайы алғысын білдіріп, болашақта жемісті ынтымақтастыққа және бірлескен бастамаларды жүзеге асыруға үміт артатынын жеткізді. Бұл 2026 жылы жаңа маңызды жетістіктердің негізін қалайтынына сенім білдірді.
Мектептегі жаңа жылдық көңіл-күй жалғасып, Alpamys School отбасы үшін қуаныш, достық және шабыт көзіне айналды.
