9–20 ақпан аралығында Алпамыс мектебінде Астана қаласы әкімдігінің Әдістемелік орталығының бастамасымен ұйымдастырылған Балалар әдебиеті онкүндігі өтеді.
Онкүндіктің мақсаты — білім алушылардың оқу мәдениетін дамыту, балалар әдебиетіне тұрақты қызығушылық қалыптастыру және оқушылардың шығармашылық белсенділігін қолдау.
Онкүндік аясында білім беру және шығармашылық бағыттағы іс-шаралар кешені жоспарланған:
— «63 даналық шыңы» жобасы аясындағы оқу сағаттары.
— Мәнерлеп оқу байқауы
— Отбасылық оқу күні
— «Кітап сахнада» мерекесі (әдеби шығармалар негізіндегі театрландырылған қойылымдар)
— Оқырмандар клубының отырыстары
Онкүндікті өткізу оқушылардың оқу көкжиегін кеңейтуге, отбасыларды бірлескен оқу іс-әрекетіне тартуға және балалардың кітап пен сахналық өнер арқылы шығармашылық тұрғыда өзін танытуына жағдай жасауға мүмкіндік береді.
Мектеп оқушылары мен ата-аналарды, барлық кітапқұмарларды онкүндік іс-шараларына белсенді қатысуға шақырамыз.
